10 მითი წონის დაკლების შესახებ

imagesზამთარში  ყოველთვის ვიმატებ წონას, ამიტომ ვცდილობ, როგორმე დავიკლო აკრეფილი კილოგრამები: არ ვჭამო 6 საათის შემდეგ, უარი ვთქვა პურსა და მარილზე… წონის დაკლების მსურველთათვის ეს მაქსიომაა. მაგრამ სწორია თუ არა სამედიცინო თვალსაზრისით? საყოველთაოდ ცნობილი წარმოდგენები ცხოვრების ჯანსაღი წესის შესახებ მართლაც შეიძლება მითები აღმოჩნდეს. აი 10  მათგანი:

1. ნახშირწყლები ასუქებს
ნახშირწყლები იზიდავს წყალს, ამიტომ თუ უარს იტყვით ნახშირწყლებით მდიდარ პროდუქტებზე, ნამდვილად შეიძლება წონა დაიკლოთ. მაგრამ კვების სპეციალისტები გვაფრთხილებენ, რომ ორგანიზმს ნახშირწყლების შეზღუდვით მოაკლდება ენერგიის წყარო. ამიტომ კარგი  იქნება თუ  ცოტას  მაინც მივიღებთ.

2. ვახშამი აკრძალულია
დიეტოლოგები გვარწმუნებენ, რომ გვიანი ვახშამი წონასა და ფიგურაზე არ აისახება, თუ დავიცავთ ზომიერებას და არ გადავაჭარბებთ კალორიების სადღეღამისო ნორმას და, რაც მთავარია, თუ ეს დღის განმავლობაში ერთადერთი ტრაპეზი არ არის. ეს ძალიან  ადვილია.

3. შოკოლადი მავნებელია
დიეტოლოგები არ გვირჩევენ შოკოლადზე უარის თქმას. კაკაო მდიდარია განსაკუთრებული ნივთიერებებით, რომლებიც აუმჯობესებს გულისა და სისხლძარღვების ფუნქციობას. განსაკუთრებით სასარგებლოა მწარე შოკოლადი,  რომელიც  გემრიელიცაა

4. პური უნდა გამოირიცხოს

პურზე უარის თქმა არ ღირს. უბრალოდ, ზომიერებაა საჭირო. 1-2 ნაჭერი ჭვავის პური ან ცეხვილი, ქატონარევი პური ნამდვილად არ გავნებთ.

5. საჭიროა მეტი ცილა
ეს უმთავრესად იმ კომპანიების მოწოდებაა, რომლებიც ცილოვან დანამატებს აწარმოებენ. სინამდვილეში ძალისმიერი ვარჯიშების გარეშე ცილოვანი დანამატები მუსკულატურაზე ვერავითარ გავლენას ვერ მოახდენს. ცილის საჭირო რაოდენობას ჩვენ საკვებიდან ვიღებთ, დანამატები კი ორგანიზმისთვის ზედმეტი დატვირთვაა.

6. ბალი და ალუბალი ძალიან კალორიულია
100 გრამი ეს ხილი მხოლოდ 52 კკალ-ს შეიცავს. ამასთან, ააქტიურებს კუჭ-ნაწლავის მოქმედებას, კლავს წყურვილს, აუმჯობესებს მადას, თავიდან გვაცილებს ყაბზობას.

7. წვენებს მთელ-მთელი ხილი სჯობს
წვენები, ისევე როგორც ხილი, უზრუნველყოფს ორგანიზმს მნიშვნელოვანი ვიტამინებით, რომლებიც სწრაფად შეიწოვება სისხლში.ნუ იმის  თქმაც ზედმეტია,  რომ  უნდა  აიკრძალოს გაზიანი  სასმელები.

8. გაყინულ ზღვის პროდუქტებს არანაირი სარგებლობა არ მოაქვთ
ფაქტი: ცივად შენახული და გაყინული პროდუქტები დიდხანს ინარჩუნებენ კვებით ღირებულებას. გაყინვა საშუალებას გვაძლევს, ზღვის პროდუქტებს დიდხანს შევუნარჩუნოთ სასარგებლო ნივთიერებები.

9. ყველაზე სასარგებლო ზეთი ზეითუნის ზეთია
ბიოლოგიური ფასეულობის მიხედვით პირველ ადგილზეა არა ზეითუნის, არამედ სელის ზეთი.

10. ცოცხალი ბოსტნეული სჯობია გაყინულს
ფაქტი: თუ ბოსტნეულს სწორად შევინახავთ, ის არ დაკარგავს თავის სასარგებლო თვისებებს. გაითვალისწინეთ ეს ყველაფერი, იკვებეთ სწორად, დაიცავით ზომიერება, იაქტიურეთ ფიზიკურად, ერიდეთ უარყოფით ემოციებს, თავს მეტისმეტად ბევს ნუ აუკრძალავთ – ორგანიზმისთვის ესეც სტრესია – და სასურველი შედეგიც არ დააყოვნებს.

წყარო: mkurnali.ambebi.ge

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s